შალვა ნათელაშვილი სახალხო პარლამენტის შექმნის იდეით გამოდის

ავტორი: თიკო ნოდია

„ლეიბორისტული პარტიის“ ლიდერს, შალვა ნათელაშვილს პარლამენტში არ შესული ოპოზიციური პარტიებისგან სახალხო პარლამენტის შექმნა სურს.

„პარლამენტში არშესული ოპოზიციონერი დეპუტატებისგან შეიქმნას სახალხო პარლამენტი, როგორც საკონსულტაციო მაკოორდინებელი პოლიტიკური ორგანო გარდამავალ პერიოდში, ჩვენი პასუხი უნდა იყოს ისეთივე მრისხანე, რა ღელვაც ჩვენი ხალხის გულებშია ამ ხელისუფლების დანაშაულებრივი პოლიტიკით გამოწვეული. ამ დღებში იქნება პარტიების შეკრება, სადაც ამ საკითხს განვიხილავთ ერთ-ერთ პირველ პუნქტად.
საჭიროა ოპოზიციური ძალების კოორდინაცია, პოლიტიკური პროცესების მართვა. სახეზე გვაქვს არალეგიტიმური და არაუფლებამოსილი პარლამენტი, რომელსაც არ გააჩნია კომპეტენცია, მიიღოს გადაწყვეტილებები კონსტიტუციურ საკითხებზე, ტერიტორიული მოწყობის მიმართულებით, მიწის ურთიერთობათა დარეგულირებაზე, საგამოძიებო კომისიის შექმნაზე და ფაქტობრივად, პარლამენტი არ გვყავს. ამიტომ, ახლა საჭიროა ოპოზიცის კონსოლიდაცია გარკვეულ სტრუქტურაში, რომელიც იქნება ჩვენი ხალხის აზრის წარმომადგენელი ქვეყნის შიდა და საგარეო ურთიერთობებში იმ გარდამალ პერიოდში, რომელიც წინ გველოდება ახალ და დემოკრატიულ არჩევნებამდე“, – აღნიშნა ნათელაშვილმა.

0

You may also like

დატოვეთ კომენტარი