საპროკურორო საბჭოს ახალი თავმჯდომარე მერაბ ჯერანაშვილი გახდა

საპროკურორო საბჭოს ახალი თავმჯდომარე თბილისის პროკურორის მოადგილე მერაბ ჯერანაშვილი გახდა.

საბჭოს სხდომაზე მხოლოდ ჯერანაშვილის კანდიდატურა იყო წარდგენილი და წევრებმა იგი ფარული კენჭისყრით 13 ხმით აირჩიეს. ახალი თავმჯდომარე საპროკურორო საბჭოს 2 წლის ვადით უხელმძღვანელებს.

მერაბ ჯერანაშვილი პროკურატურაში 2009 წლიდან მუშაობს, სტაჟირების ერთწლიანი პროგრამის წარმატებით გავლის შემდეგ ის დაინიშნა მთავარი პროკურატურის ფინანსთა, გარემოს დაცვისა და ბუნებრივი რესურსების სამინისტროში საგამოძიებო-საპროცესო ხელმძღვანელობის დეპარტამენტის პროკურორის თანამდებობაზე, სადაც 2014 წლამდე მუშაობდა. შემდეგ, 2014-2016 წლებში იყო საქართველოს მთავარი პროკურატურის ფინანსთა სამინისტროში გამოძიების საპროცესო ზედამხედველობის დეპარტამენტის უფროსის მოადგილე, 2016 წლიდან დღემდე კი, ქალაქ თბილისის პროკურორის მოადგილის თანამდებობას იკავებს.

0

You may also like

დატოვეთ კომენტარი