მოვუწოდებთ მედიას დაიცვან უსაფრთხოების ნორმები და თავი შეიკავონ გადაუმოწმებელი ინფორმაციის გავცელებისგან -შსს წერეთელზე მომხდარ თავდასხმაზე

ავტორი: თიკო ტეფნაძე

“ადგილზე მობილიზებული სამართალდამცველები ატარებენ ყველა საჭირო და გადაუდებელ ღონისძიებას, ასევე მიმდინარეობს საგამოძიებო და ოპერატიული ღონისძიებები” – ამის შესახებ შსს–ის მიერ წერეთლის გამზირზე მომხდარ შეიარაღებული თავდასხმაზე გავრცელებულ  განცხადებაშია ნათქვამი.

უწყება მედიას მოუწოდებს დაიცვან უსაფრთხოების ნორმები და თავი შეიკავონ გადაუმოწმებელი ინფორმაციის გავრცელებისგან.

“პოლიცია მობილიზებულია თბილისში, აკაკი წერეთლის გამზირზე ერთ-ერთი მიკროსაფინანსო ორგანიზაციის ოფისთან. პირველადი ინფორმაციით ოფისში შეიარაღებული პირი არის შეჭრილი.თავდასხმის შესახებ შეტყობინების მიღებისთანავე პოლიციის თანამშრომლებმა, მყისიერი რეაგირების რეჟიმში შემოსაზღვრეს შემთხვევის ადგილის მიმდებარე ტერიტორია. ამჟამად ადგილზე მობილიზებული სამართალდამცველები ატარებენ ყველა საჭირო და გადაუდებელ ღონისძიებას, ასევე მიმდინარეობს საგამოძიებო და ოპერატიული ღონისძიებები.შინაგან საქმეთა სამინისტრო მოუწოდებს მედიის წარმომადგენლებს დაიცვან უსაფრთხოების ნორმები, თავი შეიკავონ როგორც უშუალოდ შემთხვევის ადგილზე მიმდინარე მოვლენების ტირაჟირებისგან, ასევე, გადაუმოწმებელი ინფორმაციის გავრცელებისგან. ცეცხლსასროლი იარაღის მართლსაწინააღმდეგო შეძენა-შენახვა-ტარებას და ყაჩაღობას ფაქტზე გამოძიება სისხლის სამართლის სამართლის კოდექსის 236-ე და 179-ე მუხლებით დაიწყო” – ნათქვამია განცხადებაში.

0

You may also like

დატოვეთ კომენტარი