თელავის ცენტრალური საავადმყოფოს დირექტორის მკვლელობის ფაქტზე დაკავებულ სამართალდამცავს ბრალი წარუდგინეს

ავტორი: ნანა წულაია

თელავის ცენტრალური საავადმყოფოს დირექტორის მკვლელობის ფაქტზე დაკავებულ თელავის რაიონული სამმართველოს უფროსის მოადგილეს ბრალი ოფიციალურად წარუდგინეს.

უფლებადამცველის, არჩილ ბერიანიძის განცხადებით, დაკავებულს 108-ე განზრახ მკვლელობის და 117-ე სხეულის განზრახ მძიმე დაზიანების მუხლებით წარედგინა ბრალი.

თელავის პოლიციის სამმართველოს უფროსის მოადგილე ვანო ზანდარაშვილი წარდგენილი ბრალდების შესახებ დუმილის უფლებას იყენებს.

ცნობისთვის, პროკურატურამ, თელავის ცენტრალური საავადმყოფოს დირექტორის მკვლელობის ფაქტზე, კახეთის პოლიციის დეპარტამენტის თელავის რაიონული სამმართველოს უფროსის მოადგილე ვ.ზ დააკავა.

პროკურატურის ინფორმაციით, სისხლის სამართლის საქმეზე გამოძიება კახეთის საოლქო პროკურატურის საგამოძიებო სამმართველოში მიმდინარეობს.

0

You may also like

დატოვეთ კომენტარი