გიორგი გახარია – დასაფასებელია ჩვენი პატრიარქის წვლილი ეკლესიების აღდგენასა და ერის განათლებაში

საქართველოს პრემიერმინისტრი კათოლიკოს-პატრიარქს, ილია II-ს დაბადების დღეს სოციალური ქსელის საშუალებით ულოცავს და აღნიშნავს, რომ პატრიარქის წვლილი ეკლესიების აღდგენაში განუზომელია.

„სიყვარულითა და უდიდესი პატივისცემით ვულოცავ დაბადების დღეს სრულიად საქართველოს კათოლიკოს-პატრიარქს, უწმინდესსა და უნეტარესს ილია მეორეს.

განუზომელია მისი ღვაწლი ქართველი ერის სულიერების განმტკიცებაში, ისტორიული უნიკალურობისა და ტრადიციების შენარჩუნებაში. განსაკუთრებით დასაფასებელია ჩვენი პატრიარქის წვლილი ჩვენი ეკლესიების აღდგენასა და ერის განათლებაში.

ახლაც, როცა მთელი მსოფლიო უხილავ მტერს ებრძვის, მისი უწმინდესობის ლოცვა-კურთხევა ჩვენ, მთელ საქართველოს გვაძლევს განსაკუთრებულ ძალას, ერთმანეთზე ზრუნვით გადავლახოთ უდიდესი განსაცდელი.

ვუსურვებ ჩვენს პატრიარქს ჯანმრთელობას, მხნეობას და დღეგრძელობას“, – წერს გიორგი გახარია.

0

You may also like

დატოვეთ კომენტარი